'n Baie intimiderende blik op die wipplank. Dit was deel van hindernis 1, en het die senuwees sommer dadelik laat knaag.

Dis nog niks! Oomblikke tevore het Jan die pypkar op twee wiele gehad.

Hindernis 2 het nie veel uitdaging gebied aan Jan-hulle se pypkar nie.

Die konsentrasie kan duidelik op PJ se gesig gelees word. Hy en Adam het hulle vuurdoop met lof geslaag.

PJ laat die Jeep buig op 'Die Paal'. Alhoewel die voertuie ver van kantel af is, voel dit van binne af of jy op die nippertjie van 'n ramp is.

Hardus en Douwlien op die wipplank.

Hardus en Douwlien by hindernis 5. Nadat sy nie aanvanklik wou navigeer vir manlief nie, het sy dit teen hierdie tyd geweldig geniet.

Hardus se Hilux lig sy been vir hindernis 8. Hierdie hindernis het vir 'n hele paar kopsere gesorg.

Die Louwrens broers op die wipplank. Die KZ-TE se grondvryhoogte was nie altyd genoeg nie, maar dit het hulle nie afgeskrik nie.

Die Louwrens KZ-TE by hindernis 8.

As dit darem nie pure lekkerkry is op daardie gesig nie, dan weet ek nie so mooi nie.

Gerhard het vriend en vyand verras toe hy hindernis 8 sonder die hulp van ewenaarslotte uit is. Entoesiasme het opgemaak daarvoor...

Jaco rek litte by hindernis 8. Hy is ook daar uit sonder ewenaarslotte. Ai, die Hiluxe darem....

Milton kielie die Cruiser se pens by hindernis 7.

Pierre en Dawid vat vir Buffel deur die 'Camel Humps'.

Jaco en Marietjie by hindernis 5. Die opkom was maklik, maar die afgaan het almal laat bontstaan.

Milton by hindernis 5 se afgaan. Die voertuie het almal hier opgehang, en die sonder ewenaarslotte het woes gespartel om deur te kom.

Buffel, ook by hindernis 5. Lyk my dit was een van die fotograwe se gunsteling posisies gewees...

Die prysuitdeling, en Gerhard en Steven ontvang hulle pryse vir die eerste plek in Klas C.