Saterdagoggend om 05h40. Hier het die ooste nog altyd mooi gelyk so vroeg in die oggend.

So 'n rukkie na sonop het die mis ook kom kyk of ons al wakker is.

'n Gedeelte van die kampeerterrein waar ons uitgespan het.

Wimpie se Hilux besig om die klippad kaf te draf. Hy was deel van ons Vryheid span.

Die voertuie daar doer onder is nog oppad boontoe. Hulle het dit almal sonder sukkel gedoen.

Paul, Bester en Jacques staan en wag vir die res van die troepe.

Hier het almal gestop vir ons eerste geskiedenisles. Die koppe agter die voertuie was die toneel van 'n bloedige Boer-en-Brit veldslag.

Dit is die ingang na die grot waar vrouens en kinders vir 7 maande lank geskuil het tydens die oorlog.

Hier is die grot se 'agterdeur'.

By die ingang na die grot helder hierdie blomme die vaal rotse op.

Hier vertrek ons van die grot af. Let op na die interessante klipformasies in die agtergrond.

Die graf van generaal Piet Joubert en sy vrou. Hierdie sarkofaag is deur 'n Skot gebou. Nog 'n lang storie....

Die wapen van die Zuid-Afrikaansche Republiek. Daardie leuse geld vandag nog!

In Gert vd Westhuizen se museum. Die makers van 'Van Riebeeck' medikasies het 'n kuur vir elke guur gehad.

'n Handgemaakte model van 'n ossewa. Daar is talle voorbeelde van handgemaakte kunswerke deur krygsgevangenes in Ceylon en Bermuda.

Vuurwapens uit die Anglo-Boereoorlog.

Hierdie vertoonkas met sy inhoud is almal meer as 'n eeu oud.

Sondagoggend oppad Langkrans toe. Probeer dit gerus!

Hier ontmoet Transvaal, Vrystaat en Natal mekaar. Die wind het maar bietjie gestoot van die Vrystaat se kant af.

Langkrans. Nog steeds een van die mees ongelooflike tonele wat mens kan sien.

Net onderkant hierdie indrukwekkende rotsformasie is die Witkruisarende se nes. Hulle was nie tuis toe ons daar was nie.